ronaqen then jahan me kia kia kuch
log thay raftgan me kia kia kuch
abki fasal e bahar se pehle
rang thay gulistan me kia kia kuch
kia kahun ab tumhen khizan walo
jal gaya aashiyan me kia kia kuch
dil teray bad so gaya warna
shor tha is makan me kia kia kuch
———————————————————–
khatam hua taron ka raag
jag musafir ab tu jag
dhoop ki jalti tanon se
dasht e falak me lag gai aag
din ka sunehra naghma sun kar
ablaq shaban ne morhi baag
kalian mujhli jati hen
suraj phenk raha he aag
ye nagri andhyari he
is nagri se jaldi bhag