qeher se dekh na har aan mujhe
aankh rakhta he to pehchan mujhe
yak bayak aa ke dikha do jhumki
kiun phirate ho preshan mujhe
ak se ak nai manzil hen
lye phirta he tera dhyan mujhe
sun ke awaza e gul kuch na kehna
bas usi din se huey kan mujhe
ji thikane nahi jab se Nasir
sheher lagta he bayaban mujhe
————————————————————
Another ghazal by Nasir Kazmi
jab talak dam raha he aankhon me
ak aalam raha he aankhon me
garia peham raha he aankhon me
rat bhar nam raha he aankhon me
us gul e tar ki yad me ta subha
raqs e shabnam raha he aankhon me
subha e rukhsat abhi nahi bhuli
wo saman ram raha he aankhon me
dil me ak umar jis ne shor kia
wo boht kam raha he aankhon me
kabhi dekhi thi us ki ak jhalak
rang sa jam raha he aankhon me
