rag rag me dil tha, dil me nihan soz o saaz tha
wo din bhi kia thay, jab me saraapa gudaz tha
wo thay, bahaar thi, dil e hasrat taraaz tha
pehum idhar se naz, udhar se niaz tha
taseer e jazb e ishq ko laila se puchye
jo zarra khak e ishq ka tha, dil gudaz tha
pehle jo khatam ho gai ye dastan e gham
to main kahun ga arsa e mehshar daraz tha
kia keh dia kisi ne? ke milte he chashm e shoq
dono taraf se dast e tamanna daraz tha
wo naz afreen thay unhe is pe tha ghuroor
main tha niaz mand, mujhe is pe naz tha
