jis ki qismat he dar badar thehrey
wo bujha chand kis ke ghar thehrey
umar guzri sanwarte dil ko
kash wo dil me lamha bhar thehrey
ham se shab khoon ki dastan pucho
sheher waley to be khabar thehrey
us se kia puchna safar ki thakan
jis ki manzil he rah guzar thehrey
us ki qeemat azab suraj ka
wo sitara jo ta sahar thehrey
us ki aankhen udhar gai he nahin
log kia kia na mor per thehrey
ham se kesa hazar hawa e safar
ham to gard e rah safar thehrey
jhuk ke choomey na kiun falak mohsin
jab sinan per kisi ka sar thehrey