jo shakhs bhi apna qad o qamat nahin rakhta
wo sheher ke aaeney salamat nahin rakhta
mujh se ye shikayet he meray chara garon ko
main zakham chupane ko alamat nahin rakhta
wo dost agar he to mujhe hosla bakhshe
dushman he to kiun harf e malamat nahin rakhta
ye ahd e baghawat he’ karo fikr saron ki
dastar to koi bhi salamat nahin rakhta
raas aa he gaya tark e taaluq usey aakhir
aankhon me wo pehli si nidamat nahin rakhta
ab kis ki tasali ko ghazal sochye Mohsin
ab kon yahan dil me qayamat nahin rakhta