Ab Junoon Kab Kisi Ke Bas Mein Hai
Us Ki Khushboo Nafs Nafs Mein Hai
Haal Us Said Ka Sunaye Kiya
Jis Ka Siyad Khud Qafas Mein Hai
Kiya Hai Gar Zindagi Ka Bas Na Chala
Zindagi Kab Kisi Ke Bas Mein Hai
Ghair Se Rahio Tu Zara Hoshyar
Wo Tere Jism Ki Hawas Mein Hai
Paa Shikasta Para Hua Hoon Magar
Dil Kisi Naghma e Jars Mein Hai
Jon Hum Sab Ki Dastaras Mein Hain
Wo Bhala Kis Ki Dastaras Mein Hai
Book: Shayad
Poetry: John Elia
