Dil Ne Wafa Ke Naam Par, Kar e Wafa Nahi Kiya
Khud Ko Halak Kar Liya, Khud Ko Fida Nahi Kiya
Kaise Kahen Ke Tujh Ko Bhi Hum Se Hai Koi Waasta
Tu Ne To Hum Se Aaj Tak Koi Gila Nahi Kiya
Khira Saran e Shauq Ka Koi Nahi Hai Junba Dar
Sheher Mein Is Groh Ne Kis Ko Khafa Nahi Kiya
Jane Teri Nahi Ke Sath Kitne Hi Jabr The Ke The
Maine Tere Lihaz Mein Tera Kaha Nahi Kiya
Mujh Ko Ye Hosh Hi Na Tha Tu Mere Bazuo’n Mein Hai
Yani Tujhe Abhi Talak Maine Riha Nahi Kiya!
Tu Bhi Kisi Ke Baab Mein Ahd Shikan Ho Ghaliban
Maine Bhi Ek Shakhs Ka Qarz Ada Nahi Kiya
Jo Bhi Ho Tum Pe Moataraz, Us Ko Yehi Jawab Do
Ap Boht Shareef Hain, Ap Ne Kiya Nahi Kiya
Nisbat e Ilm Hai Bohot, Hakim e Waqt Ko Aziz
Us Ne To Kar e Jehel Bhi Be Ulma Nahi Kiya
Book: Shayad
Poet: John Elia
