Kitnay Saval Uthte Rahtay Thay, Unke Javabun Kay Thay Ham
Kis Ka Dil, Keysi Dildaree, Apnay Hisabun Kay Thay Ham
Tha voh Guman Kee Roshniyun Main Roshniyon Ka Aik Guman
Khuwab Kee ek Roodad Thi Saari, Khuwab Thay Khuwabon Ke Thay Ham
Jane Koun Zamanay Thay voh Jin Main Thi Dil Ki Guzran
Likhtay Hen Yun Apne Kutbay, Jesey Kitabun Kay Thay Ham
Hey Yah Baad-e-Zurd Kay Chalnay Se Kuch Pahly Ka Mazqoor
Thay Apnay Rukhsar Gulabi, Apne Gulabon Kay Thay Ham
Thi Aik Be-Bunyad Tamannah, ek Barbadi Bay Shikva
Jub Tuk Thay Ham Yun Samjho, Sakht Azaboun Kay Thay Ham
ek Dopeher Ka Kissa Hey Jub Shehar voh Hamne Chhora Tha
Usky Bad Kuch Aeysi Beeti, Sham Sharabuon Kay Thay Ham
Kash Koi Roodad Hamari Aan Kay Sun Jaye Ham Say
Rung Main Usky Tair Rahay Thay Or Saraboun Kay Thay Ham…
