Mera Ek Mashwara Hai, Iltaja Naeen,
Tu Mere Paas Se Is Waqt Naeen…
Koi Dam Chain Par Jata Mujhe Bhi
Magar Mai Khud Se Dam Bhar Ko Juda Naeen
Mai Khud Se Kuch Bhi Kyun Manwa Raha Hoon
Mai Yaan Apni Taraf Bheja Hua Naeen
Pata Hai Jane Kis Ka Naam Mera
Mera Koi Pata Mera Pata Naeen
Yahan Maani Ka Be Soorat Sila Naeen
Hamara Ek Hi To Mudda Tha
Hamara Or Koi Mudda Naeen
Kabhi Khud Se Mukar Jane Mein Kya Hai
Mai Dastawez Par Likha Hua Naeen
Yehi Sub Kuch Tha Jis Dam Wo Yahan Tha
Chale Jaane Pe Us Ke Jaane Kya Naeen
Bichar Ke Jaan Tere Aastaan Se
Lagaya Jee Boht Par Jee Laga Naeen
Safar Darpesh Hai Ek Be Musafat
Musafat Ho To Koi Faasla Naeen
Zara Bhi Mujh Se Tum Ghafil Na Rahio
Mai Be Hoshi Mein Bhi Be Maajra Naeen
Dukh Us Ke Hijr Ka Ab Kya Bataoon
Ke Jis Ka Wasl Bhi To Be Gila Naeen
Hain Us Qamat Siwa Bhi Kitne Qamat
Par Ek Halat Hai Jo Us Ke Siwa Naeen
Mohabbat Kuch Na Thi Juz Bad Hawasi
Ke Wo Band e Quba Hum Se Khula Naeen
Wo Khushboo Mujh Se Bichhri Thi Ye Keh Kar
Manana Sub Ko Par Ab Roothna Naeen
Judaai Apni Be Roodaad Si Thi
Ke Main Roya Na Tha Or Phir Hasaa Naeen
Wo Hijr o Wisal Tha Sub Khwab Dar Khwab
Wo Sara Maajra Jo Tha Wo Thaa Naeen
Bara Be Aasra Pan Hai So Chup Reh
Nahi Hai Ye Koi Muzda Khuda Naeen
Taken from Shayad Book
Hai har koi ek dusre ki justuju me
Par koi kisi ko bhi mila naeen
Yahan Maani Ka Be Soorat Sila Naeen
Ajab kuchh maine socha hai Likha Naeen
Chalaye tere to kis kis ne Lekin
Mera qatil koi tere Siwa ni