kahan araam lamha bhar raha he
safar, mera taaqub kar raha he
rahi hun be amaan mosam ki zad per
hatheli per hawa ki,sar raha he
main ik nozaida chirya hun lekin
purana baaz,mujh se dar raha he
pazeerai ko meri sheher e gul me
saba ke hath me patthar raha he
hawaen chu ke rasta bhool jaen
meray tan me koi mantar raha he
main apne ap ko dasne lagi hun
mujhe ab zeher acha kar raha he
khiloney paa lye hen main ne lekin
meray andar ka bachha mar raha he