Khayal e Tark e Tamanna Na Kar Sakey Tu Bhi…
khayal e tark e tamanna na kar sakey tu bhi
udasion ka madawa na kar sakey tu bhi
kabhi wo waqt bhi aye ke koi lamha e aesh
meray bagher gawara na kar sakey tu bhi
khuda wo din na dikhaye tujhe ke meri tarha
meri wafa pe bharosa na kar sakey tu bhi
main apna uqda e dil tujh ko sonp deta hun
bara maza ho gar wa na kar sakey tu bhi
tujhe ye gham ke meri zindagi ka kia ho ga
mujhe ye zid ke madawa na kar sakey tu bhi
na kar khayal e talafi ke mera zakhm e wafa
wo zakham he jise acha na kar sakey tu bhi
