kisey dekhen kahan dekha na jae
wo dekha he jahan dekha na jae
meri barbadion per roney waley
tujhe mehw e faghan dekha na jae
zameen logon se khali ho rahi he
ye rang e asman dekha na jae
safar he or ghurbat ka safar he
gham e sad ka rawan dekha na jae
kahin aag or kahin lashon ke anbar
bas ae dor e zaman dekha na jae
dar o dewar weran shama maddham
shab e gham ka saman dekha na jae
purani sohbaten yad arahi hen
charaghon ka dhuaan dekha na jae
bhari barsat khali ja rahi he
sar abr e rawan dekha na jae
kahin tum or kahin ham kai ghazab he
firaq jism o jan dekha na jae
wohi jo hasil e hasti he Nasir
usi ko mehrban dekha na jae
———————————————————–
Another qataa:
kitne betay dinon ki yad ay
aj teri kami me kia kuch tha
kitne manoos log yad aye
subha ki chandni me kia kuch tha
rat bahr ham na so sakey nasir
parda e khamoshi me kia kuch tha
———————————————
Another suggested ghazal by Nasir Kazmi:
Mujhe Ye Dar Hai Teri Arzuu Na Mit Jaye
