ab kya hai jo teray pas aaun
kis maan pe tujh ko azmaun
zakhm ab ke to samne se khaun
dushman se na dosti barhaun
titli ki tarha jo ur chuka he
wo lamha kahan se khoj laun
girwi hen samaaten bhi ab to
kia teri sada ko mun dikhaun
ay meray lye na dukhne waley
kesey teray dukh samait laun
yun teri shanakht mujh me utrey
pehchan tak apni bhul jaun
teray he bhaley ko chahti hun
main tujh ko kabhi na yad aaun
qamat se bari saleeb pa kar
dukh ko kiun kar galey lagaun
deewar se bail barh gai he
phir kiun na hawa me phel jaun
