boht muddat bad usey dekha, logo
wo zara bhi nahin badla, logo
khush na tha mujh se bichhar kar wo bhi
us ke chehrey per likha tha, logo
us ki aankhen bhi kahey deti theen
rat bhar wo bhi na soya, logo
ajnabi ban ke jo guzra he abhi
tha kisi waqt me apna, logo
dost to kher koi kis ka he
us ne dushman bhi na samjha, logo
rat wo dard meray dil me utha
subha tak chain na aya, logo
pyas sehraon ki phir taiz hui
abr phir toot ke barsa, logo
