justuju khoey huon ki umr bhar karte rahe
chand ke hamrah ham har shab safar karte rahe
raston ka ilm tha ham ko na simaton ki khabar
sheher e na maloom ki chahat magar karte rahe
ham ne khud se bhi chupaya or sarey sheher ko
teray jane ki khabar dewar o dar karte rahe
wo na aye ga hamen maloom tha, us sham bhi
intazar us ka magar kuch soch kar karte rahe
aj aya he hamen bhi un uranon ka khayal
jin ko teray zaum me’ be bal o par karte rahe
