main dil pe jabar karon ga, tujhe bhula dun ga
marun ga khud bhi tujhe bhi kari saza dun ga
ye teergi mere ghar ka he kiun muqaddar ho
main tere sheher ke sare diye bujha dun ga
hawa ka hath bataun ga har tabahi me
harey shajar se parindey main khud ura dun ga
wafa karun ga kisi sogawar chehrey se
purani qabar pe kutba naya saja dun ga
isi khayal me guzri he sham e dard aksar
ke dard had se barhe ga to muskura dun ga
tu asman ki surat he gir pare ga kabhi
zameen hun main bhi magar tujh ko aasra dun ga
barha rahi hen mere dukh , nishanian teri
main tere khat ,teri taswer tak jala dun ga
boht dinon se mera dil udas he Mohsin
is aainey ko koi aks ab naya dun ga
Next to Read:
Meri Sanson Ki Khushbu Se Tujhe Zanjeer Hona He!!
