bichar ke mujh se kabhi tu ne ye bhi socha he
adhura chand bhi kitna udas lagta he
ye khatam e wasl ka lamha he, raegan na samajh
ke is ke bad wohi durion ka sehra he
kuch or der na jharna udasion ke shajar
kise khabar tere saye me kon betha he
ye rakh rakhao mohabbat sikha gae us ko
wo ruth kar bhi mujhe muskura ke milta he
main kis tarha tujhe dekhun ,nazar jhijhakti he
tera badan he ke ye aaenon ka darya he
kuch is qadar bhi to aasan nahi he ishq tera
ye zeher dil me utar kar he ras ata he
main tujh ko pa kar bhi khoya hua sa rehta hun
kabhi kabhi to mujhe tu ne thek he samjha he
mujhe khabar he ke kia he judaion ka azab
ke main ne shakh se gul ko bicharte dekha he
main muskura bhi para hun to kiun khafa hen ye log
ke phool tuti hui qabar per bhi khilta he
usey ganwa ke main zinda hun is tarha Mohsin!
ke jese tez hawa me charagh jalta he
Nice