hijr ki sham dhiyan me rakhna
ik dia bhi makan me rakhna
aaeney bechne ko aye ho
chand pattar dukan me rakhna
ae zameen hashar me bhi maa ki tarha
mujh ko apni amaan me rakhna
teer palte to dil na zakhmi ho
ye hunar bhi kaman me rakhna
ak dunya yaqeen se roshan ho
ak aalam guman me rakhna
khud pe jab bhi ghazal suno mujh se
aaena darmyan me rakhna
dil se nikle na yad qatil ki
ye shikari machan me rakhna
jab zameen ki faza na raas aye
aasman ko uraan me rakhna
marsia jab likho baharon ka
zakham koi zaban me rakhna
khud bhi wehmon ke jaal me rehna
us ko bhi imtehan me rakhna
itni ruswaiyan bhi kia mohsin
kuch bharam to jahaan me rakhna
Next Ghazal:
Hijr Ki Shab Meri Tanhai Pe Dastak De Gi
