Ik Diya Dil Mein Jalaana Bhi, Bujha Bhi Dena
Yaad Karna Bhi Ussay Roz, Bhula Bhi Dena
Kiya Kahun Ye Meri Chahat Hai Keh Nafrat Uski?
Naam Likhna Bhee Mera, Likh Kay Mita Bhi Dena
Phir Na Milnay Ko Bichharta Hoon Tujh Say Lekin
Murr Kay Daikhon Tou Palatnay Ki Dua Bhi Dena…
Khatt Bhee Likhna Mayus Bhi Rehna Uss Say
Jurm Karna Bhee Magar Khud Ko Saza Bhee Dena
Mujhko Rasmon Ka Takalluf Bhi Gawaara Lekin
Jee Men Aaye Tou Yeh Diwaar Gira Bhee Dena
Ussay Mansoob Bhi Karlena Puranay Qissay
Uskay Baalon Men Naya Phool Saja Bhee Dena
Surat e Naqsh e Qadam, Dasht Men Rehna Mohsin
Apnay Honay Say Na Honay Ka Pata Bhi Dena
Mohsin Naqvi
