kab talak apni tapish me ap jalna he tujhe
dopehr ki dhoop tu,aakhir ko dhalna he tujhe
saans,chubhti kirchion ka be nihaet rasta
or us per zindagi bhar tez chalna he tujhe
tujh se peman bandhta tha or ye socha na tha
apni aankhon ki tarha har pal badalna he tujhe
rang mehndi ke hon ya titli ke,oron ke naseeb
hath ki pheeki lakeeron se behalna he tujhe
raat bhar ki bat he khud ko tamazat se bacha
din charhe phir baraf ki surat pighalna he tujhe
kher o shar me fesle ka waqt he tarkash sanbhal
apne lashkar se misal e hur,nikalna he tujhe
reshmi rishton se Mohsin itna be perwa na ho
laghzishon ki bheer me akhir sanbhalna he tujhe
