wo kon log thay, un ka pata to karna tha
mere lahu me naha kar jinhen nikharna tha
ye kia ke lot bhi aye sarab dekh ke log
wo tashnagi thi ke pataal tak utarna tha
gali ka shor daraey ga der tak mujh ko
main sochta hun dareechon ko wa na karna tha
ye tum ne unglian kese figar kar li hen
mujhe to kher lakeeron me rang bharna tha
gulon ki bat kabhi raz reh na sakti thi
ke nikhaton ko to har rah se guzarna tha
khizan ki dhoop se shikwa fazool he Mohsin
main yun bhi phool tha akhir mujhe bikharna tha
Poet: Mohsin Naqvi
