logon ke lye sahib e kirdar bhi main tha
khud apni nigahon me gunah gar bhi main tha
kiun ab mere mansab ki salami ko khare ho
yaro kabhi ruswa sar e bazar bhi main tha
main khud he chupa tha kaf e qatil ki shikan me
maqtool ki tooti hui talwar bhi main tha
chentey hen jahan ab mere masoom lahu ke
us farq e falak naz ki dastar bhi main tha
meri he sada lot ke ay he mujhi tak
shaed had e aflaak ke us par bhi main tha
manzil pe jo pohncha hun to maloom hua he
khud apne lye rah ki dewar bhi main tha
ab mere ta’aruf se gurezan he tu lekin
kal tak teri pehchan ki mayar bhi main tha
dekha to main afsha tha har ik zehen pe mohsin
socha to pas e parda e asrar bhi main tha
———————————————————————————–
ujar ujar ke sanawarti he tere hijr ki sham
puch kese guzarti he tere hijr ki sham
ye barg barg udasi bikhar rahi he meri
ke shakh shakh utarti he tere hijr ki sham
ujar ghar me koi chand kab utarta he
sawal mujh se ye karti he tere hijr ki sham
mere safar me ik aesa mor bhi ata he
jab apne ap se darti he tere hijr ki sham
boht azeez hen dil ko ye zakham zakham ruten
inhi ruton me nikharti he tere hijr ki sham
ye mera dil ye sarasar nigar khana e gham
sada isi me utarti he tere hijr ki sham
jahan jahan bhi milen tere qurbaton ke nishan
wahan wahan se ubharti he tere hijr ki sham
ye hadsa tujhe shaed udas kar de ga
ke mere sath he marti he tere hijr ki sham
Next to read:
Jo Qurbaton Ke Nashey Thay Wo Ab Utarne Lagey!!
