wo dil nawaz he lekin nazar shanas nahi
mera ilaj meray chara gar ke pas nahi
tarap rahe hen zaban per kai sawal magar
meray lye koi shayan e itamas nahi
teray jalu me bhi dil kanp kanp uthta he
meray mizaj ko aasudgi bhi ras nahi
kabhi kabhi jo teray qurb me guzare thay
ab un dinon ka tasawwur bhi meray pas nahi
guzar rahe hen ajab marhalon se deeeda o dil
sahar ki aas to he zindagi ki aas nahi
mujhe ye dar he teri aarzu na mit jae
boht dinon se tabiat meri udas nahi