parinday lot rahey thay gharon ki simat magar
hawa ka rukh tha shikasta paron ki simat magar
chhaton pe kitna charaghan tha ab ke jashan ki rat
wo dekhna mera bujhte daron ki simat magar
kushada dil thay kai log yun to maqtal me
barhey hen teer hamare saron ki simat magar
badan pe aaeney orhey wo log aye thay
mera khayal raha pathron ki simat magar
wo ik nagar tha ke bazar e misr tha Mohsin!
koi nazar na uthi dilbaron ki simat magar