phir wohi main hoon wohi dard ka sehra yaro
tum se bichra hun to dukh paye hen kia kia yaro
piyas itni he ke aankhon me biaban chamken
dhoop aesi he ke jese koi darya yaro
yad karti hen tumhe aabla pai ki ruten
kis biaban me ho,bolo mere tanha yaro
tum to nazdeek e rag e jan thay,tumhe kia kehta
main ne dushman ko bhi dushman nahi samjha yaro
aasman gard me gum he ke ghata chai he?
kuch batao ke mera sheher he payasa yaro
kia kahun gul he ke shabnam wo ghazal he ke ghazaal?
tum ne dekha he nahi us ka sarapa yaro
kon tanha rahe ik umar kisi ki khatir?
wo jo mil jae to us se bhi ye kehna yaro
us ke honton ke tabassum me thi khushbu gham ki
ham ne mohsin ko boht der me samjha yaro
——————————————————————————–
Wo Jis Ka Nam Bhi Lia Pahelion Ki Ot Me
nazar pari to chup gai sahelion ki ot me
ruke ge sharam se kahan ye khal o khad ki roshni
chupe ga aftab kia hathelion ki ot me
tere mere milap per wo dushmanon ki sazishen
wo saanp rengtey hue chanbelion ki ot me
wo tere ishtiaq ki hazar hela sazian
wo mera iztarab yar belion ki ot me
chalo ke ham bujhe bujhe se gahr ka marsia kahen
wo chand to utar gaya hawelion ki ot me
Next to read :
