phool aye, na barg e tar he thehrey
dukh pair ke be samar he thehrey
hain taiz boht hawa ke nakhun
khushbu se kaho ghar he thehrey
koi to baney khizan ka sathi
patta na sahi, shajar he thehrey
is sheher e sukhan faroshgan me
ham jesey to be hunar he thehrey
an chakhi uraan ki bhi qeemat
aakhir meray bal o par he thehrey
roghan se chamak uthey to mujh se
achey meray bam o dar he thehrey
kuch der ko aankh rang chu le
titli pe agar nazar he thehrey
wo sheher me he yehi boht he
kis ne kaha, meray ghar he thehrey
chand us ke nagar me kia ruka he
tarey bhi tamam udhar he thehrey
hm khud he thay sokhta muqaddar
han!ap sitara gar he thehrey
meray lye muntazir ho wo bhi
chahey sar e rahguzar he thehrey
paazeb se pyar tha, so meray
paon me sada bhanwar he thehre
