shab ko jab bhe main ne apni justuju ki he
be sada darakhton ne teri guftagu ki he
dil ki zid jo thehri he ab to us ko pana he
fikr e zindagi choro bat aabru ki he
puch tegh e qatil se maqtalon ke melay me
ham ne kis ko dhunda he kis ki aarzu ki he
raat dur bethi he ik zaeef maan ban kar
har jawan lashey per ik rida lahu ki he
jis ko zard kar dala dhoop ki sakhawat ne
shaed us kali ne bhi khawahish e namu ki he
apna jurm sabit he tum saza suna dena
sar kahin saja dena har sinan adu ki he
dekhna kahin Mohsin kuch nishan na per jae
aks us ke chehrey ka moj aabju ki he