Or hamen dard ki manzil pe pohnchane waley
Keh rahey hen ke isey or bhi asan karo
Ta k ham apney paraye ko bhi pehchan saken
Or kuch dost isi rah me qurban karo
Sham ay he hamesha yehi lali le kar
Jo kabhi khun e tamanna kabhi gulzar lagey
Itni aashufta na thi khawahish yaran pehley
Ab to har jazba e aasuda bhi talwar lagey
Tu ke tanha he meri tarha to majboor na ban
Karwan utren ge is koh e nida se kitne
Shamaen bujh jaen ge or khursheed ubhar aen ge
or isi sahil e umeed se pyasey kitne
Yun pukaren ge ke ye boond samandar kar de
Aj maghloob jo ho us ko sikandar kar de
Ye jo hona he to ham yun hi gunahgar rahen
Jo saza ham ko miley us ke saza war rahen