shayed usey miley gi lab bam chandni
utri he sheher me jo sar e sham chandni
mujh se ulajh parey na kari dopehr kahin
main ne rakha ghazal me tera nam chandni
main misl e naqsh e pa mera aghaz dhool dhool
tu chand ki tarha tera anjam chandni
jin wadion ke log lutey,ghar ujar chukey
un wadion me kia he tera kam chandni
un ke lye thi soorat e aezaz har kiran
apne lye he baais e ilzam chandni
chunti hen meray ashk ruton ki bhikaranen
Mohsin luta raha hun sar e aam chandni