pohnche gor kinare ham
bas gham doran harey ham
sab kuch haar ke rastey me
beth gaey dukhyare ham
har manzil se guzre hen
teray gham ke saharey ham
dekh khayal e khatir dost
bazi jeet ke harey ham
ankh ka tara ankh me he
ab na ginen ge tarey ham
————————————————————-
sheher dar sheher ghar jalae gae
yun bhi jashn e tarb manae gae
ik taraf jhoom kar bahar aye
ik taraf ashian jalae gae
ik taraf khoon dil bhi tha nayab
ik taraf jashn e jam manae gae
kia kahun kis tarha sar e bazar
ismaton ke dye bujhae gae
aah wo khalwaton ke sarmaye
majma e aam me lutae gae
waqt ke sath ham bhi usey Nasir
khar o khas ki tarha bahae gae
More Great Poetry by Nasir Kazmi:
Tujhe Kiya Ranj Khaye Jata Hai!
Mayoos Na Hua Udaas Rahi!
Udassiyon Ka Samaan Mahfiloon Mei Chhorr Gai
