sukh ka mosam khyal o khawab hua
saans lena bhi ab azab hua
ankhon ankhon perha karo jazbe
chehra chehra khuli kitab hua
roshni us ke aks ki dekho
aaina shab ko aftab hua
ik falak naz ki mohabbat me
main hawaon ka ham rikab hua
adal perwar kabhi hisab to kar
zulm kis kis pe be hisab hua
kon mojon me gholta he lahu
surkhuru kis lye chanab hua
kis ke sar per sinan ko rashk aya
kon maqtal me kamyab hua
ab ke hijran ki dhoop me mohsin
rang us ka bhi kuch kharab hua