tanha aesh ke khawab na bun
kabhi hamari bat bhi sun
thora gham bhi utha pyarey
phool chuney hen khar bhi chun
sukh ki neenden soney waley
mehroomi ke raag bhi sun
tanhai me teri yad
jesey ak sureli dhun
jesey chand ki thandi lo
jesey kirnon ki kun mun
jesey jal parion ka nach
jesey payel ki jhun jhun
———————————————————-
Another beautiful piece of poetry by Nasir Kazmi
udasion ka saman mehfilon me chor gai
bahar ak khash si dilon me chor gai
bichar ke tujh se hazaron taraf khayal gaya
teri nazar mujhe kin manzilon me chor gai
kahan se laye ab us nigah ko Nasir
jo na tamam umangen dilon me chor gai
———————————————————-
