tujhe udas bhe karna tha khud bhe rona tha
ye hadsa bhe meri jan kabhi to hona tha
namu ka ranj na abr e gurez pa se malal
ke mujh ko banjh zameenon me beej bona tha
kia ke gard e rah e raftgan ko orh lia
kafan ka dagh badan ke lahu se dhona tha
jo dastan usey kehna thi phir na gufta rahi
ke main bhe thak sa gaya tha usey bhe sona tha
main takht e abar pe soya tha rat bhar mohsin
khuli jo aankh to sehra mera bichona tha