un ki sazish to he rat baqi rahey
umar babr zulm ki bat baqi rahey
sheher jalta rahey sheher ki fikar kia
qatil e sheher ki zat baqi rahey
jo zahir hen bazu ye kat’te rahen
wo jo khufia he wo hath baqi rahey
zakhm e dil ki numaish zaroori nahin
lab pe harf e munajat baqi rahey
koey dildar me bikne waley boht
sem o zar ki ye barsat baqi rahey
shoq se tor dije taaluq magar
rastey ki mulaqat baqi rahey
ik sitamgar ki zid he ke mohsin yahan
aman bhi zulm ke sath baqi rahey