Vo Dard, Vo Wafa, Vo Mohabbat Tamaam Shud
Ley! Dil Mei Terey Qurrb Ki Hasrat Tamaam Shud!
Ye Baad Mei Khulay Ga Ke Kis Kis Ka Khoon Hua
Har Ik Bayaan Khatam, Adaalat Tamaam Shud!
Tu Ab Tou Dushmani Kay Bhi Qaabil Nahin Raha
Uth’ti Thi Jo Kabhi Vo Adaawat Tamaam Shud!
Ab Rabbt Ek Nayaa Mujhay Awaaragi Say Hey
Pabandi e Khayaal Ki Aadat Tamaam Shud!
Jaaiz Thi Yaa Nahin Thi Terey Haqq Mei Thi Magar
Karta Tha Jo Kabhi Vo Wakaalat Tamaam Shud!
Vo Rozz Rozz Marney Ka Qissa Hua Tamaam
Vo Rozz Dil Ko Cheerti Vehshat Tamaam Shud
Mohsin, Mai Koonja e Zeest Mei Chup Chaap Hon Paraa
Majnoo Si Vo Khaslat o Halat Tamaam Shud!!!