naseeb e ishq e dil be qarar bhi to nahi
boht dinon se tera intazar bhi to nahi
talafi sitmsitam e rozgar kon karey
tu ham sukhan bhi nahi razdar bhi to nahi
zamana pursish e gham bhi karey to kia hasil
ke tera gham gham e lel o nahar bhi to nahi
teri nigah e taghaful ko kon samjhae
ke apne dil pe mujhe akhtyar bhi to nahi
tu he bata teri khamshi ko kia samjhun
teri nigah se kuch aashkar bhi to nahi
wafa nahi na sahi rasm o rah kai kam he
teri nazar ka magar atbar bhi to nahi
agarche dil teri manzil na ban saka ae dost
magar charagh e sar e rah guzar bhi to nahi
boht fasurda he dil kon is ko behlae
udas bhi to nahi beqarar bhi nahi
tu he bata terey be khanuman kidhar jaen
ke rah me shajr e saya dar bhi to nahi
falak ne phenk dia barg e gul ki chhaon se door
wahan parey hen jahan khar zar bhi to nahi
jo zindagi he to bas teray dard mandon ki
ye jabr bhi nahi akhtyar bhi nahi
wafa zaria izhar e gham sahi Nasir
ye karobar koi karobar bhi to nahi
===============================================
Next to read:
Phir Us Ki Yaad Me Dil Beqarar Hai Nasir
