Dukh Dard K Maron Se Mera Zikar Na Karna
Ghar Jao Tou Yaaron Se Mera Zikar Na Karna
Woh Zabt Na Kar Paayen Ge Aankhon Ke Samandar
Tum Raah Guzaaron Se Mera Zikar Na Karna
Phoolon Ke Nasheman Mein Raha Hun Mai Sada Se
Dekho Kabhi Khaaron Se Mera Zikar Na Karna
Wo Meri Kahani Ko Ghalat Rang Na De Dain
Afsana Nigaaron Se Mera Zikr Na Karna
Shayd Woh Mere Haal Pe Be Sakhta Ro Dain
Iss Bar Baharooon Sey Mera Zikr Na Karna
Lay Jaen Gey Gehraai Mein Tum Ko Bhi Baha Kr
Darya Ke Kinaroun Sey Mera Zikr Na Karna
Wo Shax Miley Tou Usey Har Baat Batana
Tum Sirf Ishaaron Se Mera Zikr Na Karna
Poet: Wasi Shah
