Mere Ho Ke Raho

Tum Mere Dard Bhi, Gham Bhi, Mere Alaam Bhi Tum
Tum Mera Chain Ho Jana, Mera Araam Bhi Tum..

Kamyabi Ko Nahi Hum Ne Tumhen Chaha Hai
Hum Tumhare Hain Bhale Ho Gaye Nakam Bhi Tum…

Main Maseeha Hoon Agar Mera Wazifa Tum Ho
Main Hoon Mujrim To Meri Jaan, Mera Ilzaam Bhi Tum

Mukhtalif Heelon Bahanon Se Mujhe Sochtay Ho
Ek Din Khul Kay Pukaro Gay Mera Naam Bhi Tum

Raat Din Tum Ko Faqat Tum Ko Mujhe Sochna Hai
Meri Fursat Bhi Tumhi, Mera Kaam Bhi Tum

Jis Say Roshan Mera Aangan Hai Tumhi Ho Wo Chiraagh
Sach Tou Ye Hai Ke Tumhi Ghar Ho, Dar o Baam Bhi Tum

Yeh Siasat Bhi Ajab Khel Hai Bholay Panchi
Yahan Sayyad Bhi Tum Ho, Tou Tah e Daam Bhi Tum

Poetry Title: Mere Ho K Raho
Poet: Wasi Shah
Book: Mere Ho Ke Raho

Related posts:

Ankhen Bheeg Jati Hain by Wasi Shah Kab YaaroN Ko Tasleem Nahi Kab Koi Ado Inkaari Hai Us Ke Hathon Se Khushbu e Hina Aati Hai Tamam Sheher Mein Ab To Hai Raj Kanton Ka