yad kia ay ke roshan ho gae aansu ke ghar
janglon me sham utri, jal uthey jugnu ke ghar
rat ki rani ka aanchal tham kar chalti hun main
aaj ki shab zindagi mehman hui, khushbu ke ghar
rat me bheegey huey jangal ka manzar dekhne
shab gazeeda log kese jaen ge jugnu ke ghar
kia ajab jo sar katey logon ki perchhaen mili
sheher me khulne lagey hen ja baja jadu ke ghar
tujh me khawahish thi ke gehri rat ka tara baney
aa,ke ab pehle se bhi tareek hen gesu ke ghar
pehle ye manzar parha tha sirf, ab dekha bhi he
bansri bajti rahi,jalte rahey nero ke ghar