yas me jab kabhi koi aansu nikla
ik nai aas ka pehlu nikla
le uri sabza e khud ru ki mehek
phir teri yad ka pehlu nikla
meethi boli me pepahe boley
gungunata hua jab tu nikla
aaen sawan ki andheri raten
kahin tara kahin jugnu nikla
nae mazmoon samjhati he saba
kia idhar se wo saman bu nikla
paon chalne lagi jalti hui ret
dasht se jab koi aahu nikla
kai din rat safar me guzre
aj to chand lab e ju nikla
taaq e mae khana me chahi thi aman
wo bhi tera kham e bru nikla
ahl e dil ser e chaman se bhi gae
aks e gul saya gesu nikla
waqia ye he ke badnam huey
bat itni thi ke aansu nikla
=======================================
Other legend ghazals by Nasir Kazmi
Din Dhala Raat Agai
Kam Fursati Khawab e Tarb Yad Rahe Ge
